ព័ត៌មានថ្មី

កម្លាំងសមត្ថកិច្ច ឃាត់ខ្លួនមេខ្យល់ នាំមនុស្សឆ្លងដែន ខុសច្បាប់២នាក់ នៅជាយដែនកម្ពុជាថៃ

បន្ទាយមានជ័យ ៖ មុខសញ្ញាមេខ្យល់ រត់ពន្ធមនុស្សខុសច្បាប់ពីរនាក់ ត្រូវបាន កម្លាំងនគរបាល ការពារព្រំដែនគោក បុស្តិ៍បឹងសាគូ នៃវរៈនគរបាលការពារ ព្រំដែនលេខ 911 សហការជាមួយនឹងកម្លាំង យោធាកងពលលេខ51 ធ្វើការឃាត់ខ្លួន កាលពីវេលាម៉ោង 4:30 ទៀបភ្លឺព្រឹកថ្ងៃទី 24 ខែកក្កដាឆ្នាំ 2021នេះខណៈពួកគេកំពុងព្យាយាមលួចធ្វើសកម្មភាពនាំមនុស្សឆ្លងដែនខុសច្បាប់ចេញពីថៃទៅប្រទេសកម្ពុជា។

លោកលោកវរសេនីយ៍ត្រី រស់ ពិសិដ្ឋ នាយប៉ុស្តិ៍នគរបាលការពារព្រំដែនបឹងសាគូ បានឲ្យដឹងថាជនសង្ស័យដែលត្រូវបានចាប់ខ្លួនមានឈ្មោះ
1/-ឈ្មោះ ឡូញ ឡែម ភេទប្រុស អាយុ29ឆ្នាំ រស់នៅភូមិចាន់គីរី សង្កាត់ប៉ោយប៉ែត-ក្រុងប៉ោយប៉ែត ខេត្តបន្ទាយមានជ័យ ។ 2/-ឈ្មោះ សាន សំណាង ភេទប្រុស អាយុ35ឆ្នាំ ។

លោកនាយប៉ុស្តិ៍បានបន្តថា ជនសង្ស័យទាំង២នាក់ ត្រូវបានចាប់ខ្លួននៅចំណុចមុខកាស៊ីណូDNA ក្នុងភូមិក្បាលស្ពាន1 សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ និង ដកហូតបានវត្ថុតាងដូចជា ទូរស័ព្ទដៃ01គ្រឿង មានសារជាសម្លេងឆ្លើយ ឆ្លងគ្នា រវាងមេខ្យល់ខ្មែរ និងមេខ្យល់នៅខាងថៃ ចាំទទួលមនុស្ស​ នៅខាងក្រោយផ្សារឡុងក្លឿ (ប្រទេសថៃ) និងម៉ូតូ01គ្រឿង ម៉ាកហុងដា C125 ផលិតឆ្នាំ2019 ពណ៌ខ្មៅ គ្មានស្លាកលេខ ។

បច្ចុប្បន្នជនសង្ស័យមេខ្យល់ទាំងពីរនាក់ ត្រូវបានបញ្ជូនទៅកាន់អធិការដ្ឋាន នគរបាលក្រុងប៉ោយប៉ែត ដើម្បីបន្តនីតិវិធីតាមច្បាប់៕

Most Popular

Quis autem vel eum iure reprehenderit qui in ea voluptate velit esse quam nihil molestiae consequatur, vel illum qui dolorem?

Temporibus autem quibusdam et aut officiis debitis aut rerum necessitatibus saepe eveniet.

Copyright © 2015 Flex Mag Theme. Theme by MVP Themes, powered by Wordpress.

To Top