កំពង់ស្ពឺ៖ករណីគ្រោះថ្នាក់ចរាចរណ៍ បង្កឡើងរវាងរថយន្ដទូរដឹកទឹកកកនិងរថយន្ដដឹកទំនិញប្រភេទសណ្ដោង ក្នុងហេតុការណ៍គ្រោះថ្នាក់ចរាចរណ៍នេះ តាមរបាយការណ៍បឋមរបស់សមត្ថកិច្ចនគរបាលចរាចរណ៍ ក្រុងច្បារមន ថាបណ្ដាលឱ្យបាត់បង់អាយុជីវិតមនុស្សម្នាក់នៅកន្លែងកើតហេតុ ករណីគ្រោះថ្នាក់ចរាចរណ៍គឺរថយន្ដទាំងពីរបើកក្នុងទិសដៅបញ្ច្រាសទិសគ្នា នាព្រលឹមព្រឹកថៃ្ងច័ន្ទ ទី៣០ ខែវិច្ឆិកា ឆ្នាំ២០២០ ករណីគ្រោះថ្នាក់ចរាចរណ៍ កើតឡើងនៅចំណុចផ្លូវជាតិលេខ ៤ ចន្លោះគីឡូម៉ែត្រលេខ ៤៨-៤៩ ភូមិព្រៃស្លឹក សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ ។
តាមការបញ្ជាក់ពី នគរបាលចរាចរណ៍រថយន្តម៉ាកកូរ៉េ ពាក់ស្លាកលេខ ភ្នំពេញ3C 7387បើកពីកើតទៅលិច អ្នកបើកបរមានឈ្មោះម៉ូយ លីដែន ភេទប្រុស អាយុ១៨ឆ្នាំរស់នៅភូមិសំពៅ សង្កាត់ច្បារមន ក្រុងច្បារមន ខេត្តកំពង់ស្ពឺ(ស្លាប់នៅកន្លែងកើតហេតុ) ចំណែករថយន្តសណ្ដោងសឺមីរឺម៉ក ពាក់ស្លាកលេខ ភ្នំពេញ3D 5043 សឺមីស្លាកលេខព្រះសីហនុ 4A-5020 អ្នកបើកបរបានចុះរត់គេចខ្លួន។
បច្ចុប្បន្នមធ្យោបាយ វត្ថុតាងទាំងពីត្រូវបាននគរបាលចរាចរណ៍ខេត្តកំពង់ស្ពឺ យកមករក្សាទុកដើម្បីដោះស្រាយតាមនិតីវិធី៕
